İşğal etilgen Qırımda Ukrayina mahsus hızmetlerinen işbirlik yapqan eki qadın tutuldı. Bunı Rusiye kütleviy haber vastaları bildire.
Bildirilgenine köre, mabüslerden biri Rusiye arbiyleri aqqında malümat bergen, ekincisi ise, kuratornıñ avalesine köre, Rusiyeniñ Qara deñiz flotunıñ arbiyleri aqqında malümat toplağan.
Rusiye kütleviy haber vastaları derc etken videoda qadınlardan biri, cenk başlağanından berli ukrayin saifelerni seyir etip başlağanını, 2022 senesi ilk qış ayında "chat-bot"qa yazmağa qarar bergenini ve olarğa yardım teklif etkenini ayta. Bundan soñ, onıñ aytqanına köre, oña muracaat etken kurator, Keriç civarında ava mudafaasınıñ fotoresimlerini yapmaqni rica etken, soñra ise transformator budkasını yaqmaqnı rica etken, 2023 senesi arman ayında o bunı yapqan.
Berilgen malümatqa köre, eki qadınğa qarşı "casuslıq şeklinde devletke qarşı cinayet" boyunca cinaiy davalar açılğan.
Qırım.Aqiqat muarririyeti, bu itiraflar basqı altında alınğanını red etmey. Tutulğanlarnıñ adları ve soyadları Rusiye kütleviy haber vastalarında derc etilmey.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.