Rusiye arbiyleri, uçaqlarnıñ uçaq alanlarına ketirip, uçaqlarnıñ zarar körmemesi içün uçaq tehnikasınıñ miqdarını eksiltmege tırışalar. Bu aqta Azatlıq Radiosına Ukrayina telükesizlik hızmetindeki menbalar bildirdi.
Zarar körgen ava limanlarından birinde ilk yaz ayınıñ 2-de çıqarılğan fotoresimlerde yanğan Tu-95 uçağı körüne, ilk yaz ayınıñ 4-de çıqarılğan fotoresimlerde ise onıñ yerinde bütün bir Tu-95 tura.
Olar onı evel zarar körgen uçaq turğan yerde yerleştirdiler. Amma bu resimniñ altında yanğan uçaq alanı körüne", — dep qayd eteler talilciler, uçaq alanlarınıñ uydu resimlerini derc etip.
İlk yaz ayınıñ 1-nde Ukrayina dronları bir qaç Rusiye arbiy ucaq alanına ücüm etti. Ukrayina telükesizlik hızmetiniñ malümatına köre, 40-tan ziyade Rusiye arbiy uçağı yoq etilgen. Kıyivde bildirilgenine köre, ameliyat bir buçuq yıl devamında azırlanıla edi.
Azatlıq Radiosı video ve uydu resimleriniñ talili sayesinde eñ azından 11 Rusiye strategik bombardıman uçağınıñ yoq etilmesini tasdıqladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
