Rusiye kontrolindeki Qırım Yuqarı mahkemesi qırımlını Ukrayina havfsızlıq hızmetinen işbirlik yapqanı içün 20 yılğa üküm etti, dep bildire Qırımnıñ Rusiye prokuraturasınıñ matbuat hızmeti.
Qayd etilgenine köre, mahküm etilgen 2022 senesi orta küz ayında Rusiye uquq qoruyıcı organlarından biriniñ binasına video nezaretini yerleştirmek kerek edi.
"Adam, uquq qoruyıcılarğa yardım etmek içün, yerli sakinniñ eviniñ balkonına video nezareti kameralarını yerleştirdi. Bundan soñra o, çetel devletiniñ temsilcisine video nezareti içün kerekli malümatnı berdi", — dep aytıla haberde.
Rusiye telükesizlik hadimleriniñ aytqanına köre, yaqalanğan kişi "çetel devletniñ temsilcisine video nezaretine irişmek içün kerekli malümatnı bergen".
Mahküm etilgenniñ adı ve soyadı bildirilmey, onıñ açıq izaatları da yoq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
